Frañs : Jose Bove war harz-debriñ abalamour d'an OGK

Naoned : en tu all da 200 karr bet lakaet tan enno da vare Kalanna

Comments

Er bloaz-mañ e oa partiet mat an traoù evit ar re ruz ha du avat. Da 3e e oant e miz Du zoken. Ur skipailh solutoc'h eget er bloavezhioù all, ur c'hlub o vont war-raok, un den e penn (Dreossi) a zeue brav-kenañ an traoù gantañ ha...6 krogad aet hebioù ganto. Pal ebet lakaet ha trec'het kement gwezh da heul.

Dreossi en deus divizet mont war gil evit lezel plas d'ur gourdroner hag eñ da vezañ manager nemetken. Galvet eo bet Guy Lacombe da vont war ar post.

Ha profoù a vo gant an Tad Nedeleg e Roazhon ? N'eo ket sur. Aet eo ar fiziañs digant an holl c'hoarierien, ur pezh labour a vo d'ober war ar speredoù evit adsevel ur gwir skipailh.

Da c'hortoz, n'eus deuet nemet 2 grogad a-rampo gant Guy Lacombe (Zagred ha Toloza). N'eo ket klañv ar Stad ken met n'eo ket pareet c'hoazh.

Comments

Frañs : Echu gant troiad Kadhafi

Frañs : Kresket e vo priz ar gaz eus 6% adalek ar 1añ a viz Genver

Geriaoueg :

Hin : climat

Troiad : tournée

Comments

Bed : Su-Korea : Lanv du bras-divent : 10 mil tonenn a eoul-maen er mor melen

Bed : Sina : 43 skolveuriad a c'houlenn ma vo serret ar c'hampoù ma'z eus tremenet 3,5 milion a dud en 50 vloaz diwezhañ

Bed : Stadoù-Unanet-Amerika : An danvez-prezidant Barrack Obama en deus resevet skoazell Oprah Winfrey, ur vaouez brudet-tre e bed ar skinwel

Geriaoueg :

Lanv du : marée noire

Eoul-maen : pétrole

skolveuriad : univeristaire

danvez-prezidant : candidat à la présidentielle

Comments

Europa : Alamagn : 3e bro washañ er bed goude SUA ha Kanada evit  an niver a fuzilhadegoù er skolioù.

Sport : Arc'hantinia : Kevre ar rugbi war-zu ar micheleraat, a-benn ar fin...

Comments

Europa : Alamagn : 3e devezh an diskrog-labour war an hentoù-houarn

Breizh : Koulzad brudañ dibar kaset gant Unvaniezh Demokratel Breizh evit adframmañ rannvroioù kornôg Frañs.

Comments

Darfour : Pennoù an ABU a gav dezho ez eus danvez er c'hendivizoù zo bet kroget ganto.

Rusia : daou strollad ouzhpenn berzhet a vont war ar renk evit an dilennadegoù er Parlamant

Comments

Comments

Comments

Turkia : Kaoz a zo eus bombezadegoù war ar Gurded

Iran : Pennoù ar gouarnamant a ra "ur berniad paperioù" eus divizoù an ABU

Comments

Nicolas Sarkozy e Maroko : ur raktres kendiviz meur e 2008 etre Europa hag Afrika diwar-benn an enbroañ

Amprouadennoù ADN : Kannaded ha senedourien Frañs o vont da votiñ raktres Brice Hortefeux

Nukleel : Emgav e Roma etre Javier Solana hag an dileuriad nevez kaset gant gouarnamant Iran

Comments

Ar sindikadoù a oa chomet rannet Digwener war ar mod d’en em harpañ war ar berzh istorel a oa bet gant diskrog-labour Diriaou en SNCF, RATP pe EDF-GDF evit klask lakaat ar gouarnamant da fiñval e-keñver reolioù dibar al leveoù.

Paouez gant ar stourm a-raok ur galv nevez marteze evit pennoù ar CGT, kenderc’hel gant an diskrog-labour hag en em harpañ war emvodoù-meur an hentouarnourien evit pennoù Solidaires hag FO, donaat an divizoù evit pennoù ar CFDT : fraezh e chomet soñj pep sindikad en SNCF.

Comments

FMI :un hanter boent nebeutoc'h a gresk a vo er bed a-bezh abalamour d'an enkadenn ekonomikel

UIMM : Cathy Kopp a dapo plas Gautier-Sauvagnac

Comments

Reolioù dibar al leveoù e Frañs : ur Yaouvezh du da c'hortoz

Bec'h er Medef : adreizhañ e framm a fell da F.Parisot ober

Comments

E skipailh en deus c'hoariet uhel war an dachenn ha lakaet o deus gwask war baotred Monaco adalek ar penn-kentañ. Daoust m'o deus lakaet palioù uhel evit ar bloaz-mañ e oa morgousket c'hoarierien ar Priñs Albert ha n'eo ket direizh e vefe bet lakaet ar pal kentañ gant ar Vretoned (Saifi, 14vet mun. diwar un tenn-digoll kaset gant Vahirua). Ur c'hardeurvezh war-lerc'h eo Saifi adarre a fuzuilhe ar paourkaezh Roma goude ur brav a labour graet gant Marin, ur paotr leun a startijenn.

Hag ar volotenn da vont buan eus ur Merluz d'egile, pegen brav o c'hoari ! Eus o zu ne zeue dañjer ebet gant tud Monaco, netra en a-raok, bec'h warno en a-dreñv, ar gouelec'h...

Goude an ehan e kendalc'he ar Vretoned da blantañ bec'h daoust ma vanke ur bern c'hoarierien dezho (Ar Penn da skouer). Met marteze int bet touellet gant o zaolioù kaer. C'hoant o deus bet d'ober re hag unan anezho a zo solut met poan en deus da zerc'hel e evezh a-hed ar match : Ciani an hini eo. Fellet ez eus bet dezhañ c'hoari re fin ha paket eo bet diwar ar c'hoari-mañ gant Gapke (65vet mun.). Hag ar match da cheñch penn-da-benn ! Edo e dalc'h ar Vretoned penn-da-benn hag a-daol-trumm int en em lakaet en arvar drezho o-unan. Ar ramz Koller zo deuet tre eus tu Monaco ha start-kenañ eo bet an hanter-eurvezh diwezhañ. Dalc'het o deus paotred Gourkuff avat hag ar suportourien da darzhañ gant al levenez e dibenn ar match.

Audard : 6 : n'en deus ket bet gwall dra d'ober nemet en un hanter-eurvezh diwezhañ, dirak Koller, ha n'eo ket eñ a zo kaoz eus ar pal.
Boutruche : 6 : n'eo ket pignet kalz met e labour en deus graet evel difenner.
Jallet : 7 : pelec'h e chomo a-sav 'ta ? Evel stoufer e c'hoari bremañ ha den ne gredfe e c'hoarie e kampionad National 2 vloaz zo.
Ciani : 4,5 : ezhomm zo anezhañ en a-dreñv rak n'eus ket kalz paotred vras e skipailh an Oriant met pebezh fazi war ar pal.
Morel : 6 : evel e geneil eus an tu kleiz.
Marin : 7 : leun a startijenn war an tu dehou. Plantet en deus bec'h forzh pegement. Brav e vo gwelet anezhañ pa zistroio Ulrich ar Penn.
Abriel : 6,5 : derc'hel a ra mat kreiz ar skipailh...hag an dachenn.
Ewolo : 7,5 : n'eo ket bras met mouget en deus c'hoarierien kreiz Monaco.
Namouchi : 6 : fiziañs a zeu dezhañ pa oar e c'hoario un nebeud matchoù gant ezvezañs ar Penn.
Vahirua : 7 : anat eo en deus kavet e blas diouzhtu e c'hoari Gourkuff.
Saifi : 7,5 : 2 bal, jestroù teknikel ken ma'z eus, gwell a se eo chomet er bloaz-mañ.

Eus tu Monaco ne zeu war wel nemet Roma en e balioù ha ne gomprener ket perak n'eo ket deuet tre Koller abretoc'h hag en ur mod ivez Pino.

Evit gwelet un nebeud skeudennoù :
http://www.dailymotion.com/relevance/search/fc+lorient/video/x2qq80_france-2-foot-fc-lorient-as-monaco_sport/1

Comments

Betek-henn ne oa nemet ur fun da gas an internet en Afrika. Eus Portugal ez ae betek kornôg Afrika.

Rak se n'eus ket muioc'h eget 4% eus an Afrikaned a zo kevreet ouzh an internet evit poent.

Cheñchamant a vo : ur fun nevez zo war sevel, eus tu ar reter ar wezh-mañ. Gant International Finance Corp (skourr prevez Bank ar Bed) e vo paeet an 32.5 milion a zollarioù a zo ezhomm.

250 milion a dud a c'hello bezañ kevreet er mod-se, adalek 2009.

Comments

N'o deus ket bet paotred Reims an disterañ degouezh a-hed ar c'hrogad ha Gousse a lakae an 3e pal just goude an ehan war un tenn-kastiz. D'ar 55vet munutenn e lakae ar 4e, eñ ivez gant ur brav a daol gant e benn.

Birvilh a oa er stad. Un hola spontus zo bet hed-a-hed an dek munutenn diwezhañ ha Bagayoko a lake an hini diwezhañ d'an 90vet munutenn.

Ur vravig a nozvezh er Beaujoire evit 27.000 den memes tra ! Ret e vo diwall avat, n'eo nemet ar penn-kentañ. Skipailh Reims a oa gwall wan evel ma vijent bet 9 war an dachenn nemetken. Re wir eo ez eus bet bec'h etre int hag o renerien er sizhunvezhioù tremenet abalamour d'un afer adgoproù, ur sapre ambiañs...

Ar Ganaried o deus tennet ur pezh-mell taol atav met da ziwall zo, ne vint ket ar re nemeto (skipailhoù Montpellier, Amiens pe Sedan a vo ivez) ha n'eus nemet 3 flas evit adpignat.

Comments

Yann seller an Dro da gentañ. Ar memes re a lavare 2 zevezh zo : "Pegen kalonek eo Vino, hemañ zo prop da nebeutañ" (e-keñver paotr ar chupenn velen, Michael Rasmussen) o doa disoñjet e oa disfiz bras war ar reder deuet eus ar C'hazakstan e-penn kentañ an dro abalamour d'e zarempredoù gant ar mezeg Ferrari (ur briz mezeg en deus gwerzhet louzoù dopiñ d'an holl). Met 'fin, ar re sot gant an Dro o doa c'hoant da grediñ en ur reder a zo brav da welet hag a zo imor ennañ.

Ar gwashañ a zo gant ar re zo e penn ar skipialhoù gall, a gav din. Kavet o deus perak eo renket fall o rederien (gall ebet e-touez an 30 re gentañ !) : int zo prop hag ar re all (dreist-holl pa zeuont eus pell) a zo dopet ! Biskoazh kemend-all...Marc Madiot, e penn La française des jeux da skouer : "Un dra da lavaret nemetken : Vino er-maez !". Souezhus a-berzh un den a zo anavezet evit bezañ karget un tamm mat pa oa-eñ reder...

Startoc'h e vefe sevel ar goulennoù mat evel-just. Evel ma lavare Luc Le Blanc er sizhun dremenet e vije frouezhus en em soñjal war stummadur ar re yaouank, penaos e vez sachet re warno pa n'int ket 18 vloaz ha re vras o c'halon da c'houde...

Comments

Comments

Comments